කෘෂිකාර්මික ක්ෂේත්‍රයට අදාළ රාජ්‍ය සේවයේ පුරප්පාඩු පිරවීමට කඩිනම් පියවර

කෘෂිකාර්මික ක්ෂේත්‍රයට අදාළ රාජ්‍ය සේවයේ පුරප්පාඩු කඩිනමින් පිරවීමට පියවර ගන්නා බවත්  එම පුරප්පාඩු පුරවා ගොවි ජනතාව ඇතුළු කෘෂිකාර්මික ක්ෂේත්‍රෙය් ව්‍යවසායකයන් වෙනුවෙන් උපරීම සේවය ලබා දෙන බවත්  කෘෂෂිකර්ම, පශු සම්පත්, ඉඩම් හා වාරිමාර්ග අමාත්‍ය කේ.ඩී ලාල් කාන්ත අමාත්‍යවරයා පවසයි.

විශේෂයෙන්ම රජයට සම්බන්ධ පශු වෛද්‍යවරුන් සහ වනජීවී නිලධාරීන්ගේ හිඟය කැපී පෙනෙන බැවින් හැකි ඉක්මනින් ඒ සඳහා කටයුතු කරන බව පසුගියදා මහනුවර පැවති කෘෂිකාර්මික ක්ෂේත්‍රයට අදාළ ප්‍රගති සමාලෝචනයකට සහභාගී වීමෙන් අනතුරුරව මාධ්‍යට අදහස් දක්වමින් අමාත්‍යවරයා මේ බව සඳහන් කළේය.

ගොවි ජනයා රැක ගැනීම වත්මන් රජයේ මූලික අරමුණ බවත්, ඒ වෙනුවෙන් රජය සෑම විටම කටයුතු කරන බවත් පැවසූ අමාත්‍යවරයා, ලංකාවේ කෘෂිකාර්මික ක්ෂේත්‍රය යළි ගොඩනැංවිය යුතු බ වද පැවසුවේ ය.

විටින් විට විවිධ ගැටලු මතු වුවත් මෙරට ජනතාව කුසගින්නේ නොතියන්නට ගොවි ජනතාව කටයුතු කර ඇති බව පෙන්වා දුන් අමාත්‍යවරය අඩුපාඩු තිබුණත් කෘෂිකර්ම ක්ෂේත්‍රයේ නිලධාරීන් ඒ වෙනුවෙන් සැලකිය යුතු දායකත්වයක් ලබා දී ඇති බව පැවසීය.

කෘෂි කාර්මික ක්ෂේත්‍රයට අදාළ මෙම පුරප්පාඩු හැකි ඉක්මනින් පුරවන බවත්, වී අලෙවි මණ්ඩලය වැනි ආයතන යළි සක්‍රිය කොට මහජනතාව වෙත සහන සැපයීමට කටයුතු යොදන බවත් අමාත්‍යවරයා වැඩිදුරටත් පැවසුවේය.

Ad Widget

Recommended For You

About the Author: Thushal Withanage

Leave a Reply

Your email address will not be published. Required fields are marked *