ශ්රී ලංකාවට ප්රබල එල් නිනෝ සිදුවීමක බලපෑම් අත්විඳිය හැකි බව කාලගුණ විද්යා දෙපාර්තමේන්තුවේ පුරෝකථන අධ්යක්ෂ මෙරිල් මෙන්ඩිස් මහතා පැවසුවේය.
ඔහු පැවසුවේ මෙම සංසිද්ධිය ප්රබල එල් නිනෝ සිදුවීමක් දක්වා වර්ධනය වීමේ සම්භාවිතාව ඉහළ මට්ටමක පවතින බවයි.
ලොව පුරා අසාමාන්ය කාලගුණික රටා ඇති කරන එල් නිනෝ සංසිද්ධිය දැනටමත් පැසිෆික් සාගර කලාපයේ වර්ධනය වීමට පටන් ගෙන ඇති බව කාලගුණ විශේෂඥයින් අනාවරණය කරගෙන ඇත. මෙම සංසිද්ධිය දැනට දුර්වල මට්ටමක පැවතුණ ද, ඉදිරි මාසවලදී එය ක්රමයෙන් ශක්තිමත් වීමේ හැකියාවක් ඇති බව ඔහු අනතුරු ඇඟවීය.
මේ සම්බන්ධයෙන් තව දුරටත් කරුණු පැහැදිලි කරමින් මෙරිල් මෙන්ඩිස් මහතා මෙසේ ද පැවසුවේය, “ඉදිරි කාලය තුළ සහ ඉන් ඔබ්බට, එය වඩාත් දැඩි එල් නිනෝ තත්වයක් දක්වා වර්ධනය වීමේ ප්රබල හැකියාවක් පවතිනවා. දැඩි ජල හිඟයක් ඇති වේ යැයි අපි විශ්වාස නොකරන නමුත් වඩාත්ම වැදගත් සාධකය වන්නේ දැනට පවතින ජල සම්පත් විචක්ෂණශීලීව භාවිතා කිරීමයි. නිසි කළමනාකරණය තුළින් අපට තත්වයට මුහුණ දීමට හැකි වනු ඇතැයි අපි විශ්වාස කරනවා. එල් නිනෝ සංසිද්ධියේ බලපෑම යටතේ ඔක්තෝබර් මාසයෙන් පසු වර්ෂාපතන තත්ත්වය වැඩිදියුණු වනු ඇතැයි අපි අපේක්ෂා කරනවා,” ඔහු පැවසීය.
මෙම ඡායාරූප AI හරහා ජනනය කරන ලද ඡායාරූප වේ. සංස්කාරක
