
ගොවි ජනතාවට එකම ස්ථානයකින් සේවා රැසක් ලබාදීම අරමුණු කරගනිමින් ගොවිජන සේවා මධ්යස්ථාන නවීකරණය කිරීම සඳහා 2027 අයවැය මඟින් රුපියල් මිලියන 250ක ප්රතිපාදන වෙන් කර තිබේ.
“ආර්ථික ස්ථාවරත්වයෙන් පරිවර්තනීය යුගයකට” යන තේමාව යටතේ ඉදිරිපත් කර ඇති 2027 අයවැය යෝජනා අනුව, ග්රාමීය කෘෂිකාර්මික සංවර්ධනය ශක්තිමත් කිරීමේ අරමුණින් මෙම වැඩපිළිවෙළ ක්රියාත්මක කිරීමට සැලසුම් කර ඇත.
ඒ අනුව, දැනට ක්රියාත්මක ගොවිජන සේවා මධ්යස්ථාන, ගොවි ජනතාවට අවශ්ය සේවා එකම ස්ථානයකින් ලබාගත හැකි නවීන සේවා මධ්යස්ථාන (One-Stop Shops) බවට සංවර්ධනය කිරීම මෙම ව්යාපෘතියේ ප්රධාන අරමුණ වේ.
මෙහි නියමු අදියර ප්රධාන කෘෂිකාර්මික දිස්ත්රික්ක පහක් ආවරණය වන පරිදි ක්රියාත්මක කිරීමට සැලසුම් කර ඇති අතර, ඒ සඳහා සුදුසු ගොවිජන සේවා මධ්යස්ථාන පහක් ප්රාදේශීය මට්ටමින් හඳුනාගැනීමේ කටයුතු මේ වන විට සිදු කෙරෙමින් පවතී.
මෙම ව්යාපෘතිය යටතේ ගොවිජන සේවා මධ්යස්ථානවල ඩිජිටල් යටිතල පහසුකම් ස්ථාපනය කිරීම, නවීන කෘෂිකාර්මික යන්ත්රෝපකරණ සංචිත ඇති කිරීම, ගොවි ජනතාව ආර්ථික හා තාක්ෂණික වශයෙන් සවිබල ගැන්වීම සහ තථ්ය කාලීනව තොරතුරු හුවමාරු කරගත හැකි නවීන ඩිජිටල් වේදිකාවක් ස්ථාපිත කිරීම යන ප්රධාන ක්රියාකාරකම් ඇතුළත් වේ.
ගොවිජන සේවා මධ්යස්ථානවල ඩිජිටල් පහසුකම් වැඩිදියුණු කිරීම මඟින් කෘෂිකාර්මික සේවා සැපයීමේදී නවීන තාක්ෂණය භාවිතයට ගැනීම සඳහා අවශ්ය පදනම සකස් කිරීමට අපේක්ෂා කෙරේ. එමෙන්ම, තථ්ය කාලීන තොරතුරු හුවමාරු කිරීමේ පහසුකම් ස්ථාපනය කිරීම ගොවි ජනතාවට කෘෂිකාර්මික කටයුතු සඳහා අවශ්ය තොරතුරු ලබාගැනීමේ ක්රියාවලිය වැඩිදියුණු කිරීමට දායක වනු ඇත.
නවීන කෘෂිකාර්මික යන්ත්රෝපකරණ සංචිත ඇති කිරීම මඟින් කෘෂිකාර්මික කටයුතු සඳහා යාන්ත්රික තාක්ෂණය භාවිත කිරීමේ අවස්ථා පුළුල් කිරීම අපේක්ෂිතය. ඊට සමගාමීව, ගොවි ජනතාවගේ ආර්ථික හා තාක්ෂණික හැකියාවන් වර්ධනය කිරීම ද මෙම වැඩපිළිවෙළේ වැදගත් අංගයකි.
විශේෂයෙන්ම, ගොවි ජනතාවට අවශ්ය සේවා විවිධ ස්ථානවලින් ලබාගැනීම වෙනුවට, ඒවා එකම මධ්යස්ථානයක් තුළින් ලබාගත හැකි ආකාරයට ගොවිජන සේවා මධ්යස්ථාන සංවර්ධනය කිරීම, සේවා ලබාගැනීමේ පහසුව වැඩිදියුණු කිරීම සඳහා ගනු ලබන පියවරකි.
මෙම වැඩපිළිවෙල සම්බන්ධයෙන් වැඩිදුර තොරතුරු විමසීමට ගොවි ජනතාවට ගොවිජන සංවර්ධන දෙපාර්තමේන්තුව සම්බන්ධ කරගත හැකිය.
ග්රාමීය කෘෂිකාර්මික සේවා නවීකරණය කිරීම සහ ගොවි ජනතාවට තාක්ෂණික පහසුකම් සහිත සේවා පරිසරයක් ගොඩනැගීම අරමුණු කරගත් මෙම නියමු වැඩපිළිවෙළ සඳහා ගොවිජන සංවර්ධන දෙපාර්තමේන්තුව පුරෝගාමී වී කටයුතු කරයි.

