නිවැරදි පාංශු සාම්පල ලබා ගැනීම සහ භූමියේ භෞතික ලක්ෂණ හඳුනා ගැනීම සහ තාක්ෂණික, ආර්ථික සහ සමාජයීය සාධක ඒකාබද්ධ කරමින් ඉඩම් භාවිත තීරණ ගැනීම පිළිබඳ යාපනය දිස්ත්රික් සහ ප්රාදේශීය ඉඩම් පරිහරණ සැලසුම් නිලධාරීන්ට පුහුණුවක්
ඉඩම් පරිහරණ ප්රතිපත්ති සැලසුම් දෙපාර්තමේන්තුව (LUPPD) විසින් තිරසාර ඉඩම් කළමනාකරණය සඳහා අවශ්ය තාක්ෂණික ශක්යතාව වර්ධනය කිරීමේ අරමුණින්, යාපනය දිස්ත්රික් සහ ප්රාදේශීය නිලධාරීන් 20 දෙනෙකු සඳහා “නිවැරදි පාංශු සාම්පල ලබා ගැනීම සහ භූමියේ භෞතික ලක්ෂණ හඳුනා ගැනීම” පිළිබඳ දැනුවත් කිරීමේ සහ පුහුණු වැඩසටහනක් පවත්වන ලදී.
මෙම පුහුණු වැඩසටහනේදී ඉඩමක භාවිතය සහ එහි තිරසාර කළමනාකරණය සඳහා නිවැරදි පාංශු තොරතුරු ලබාගැනීමේ වැදගත්කම පිළිබඳව අවධානය යොමු කෙරිණි. ඉඩමක සාර්ථකත්වය සහ ආරක්ෂාව තීරණය වන්නේ පසෙහි රසායනික සාරවත්භාවය පමණක් නොව, පසේ ගැඹුර, ජලාපවහනය සහ බෑවුම වැනි භෞතික ලක්ෂණ මතද බව වැඩසටහනේදී පැහැදිලි කරන ලදී.
එසේම, පරීක්ෂණාගාර වෙත යොමු කරන පාංශු සාම්පල නිවැරදි තාක්ෂණික ක්රමවේදයන්ට අනුව ලබා නොගතහොත්, එම සාම්පල මත පදනම්ව සකස් වන වාර්තා සහ ඉන් අනතුරුව ගනු ලබන ඉඩම් භාවිත තීරණවල නිරවද්යතාවයට බලපෑම් ඇතිවිය හැකි බව ද අවධාරණය කෙරිණි.
එමෙන්ම, ඉඩම් භාවිතය සැලසුම් කිරීමේදී තාක්ෂණික කරුණු පමණක් නොව, අදාළ ප්රදේශයේ ආර්ථික හා සමාජයීය කරුණුද සැලකිල්ලට ගැනීමේ වැදගත්කම පිළිබඳවද පැහැදිලි කරන ලදී. තිරසාර ඉඩම් කළමනාකරණ තීරණ ගැනීමේදී භූමියේ ස්වභාවික ලක්ෂණ සමඟ එම ප්රදේශයේ ආර්ථික හා සමාජයීය තත්ත්වයන් ද සලකා බැලීමේ අවශ්යතාව මෙහිදී අවධාරණය කෙරිණි.
වැඩසටහනේ කොටසක් ලෙස ක්ෂේත්ර ප්රායෝගික පුහුණුවක් ද පැවැත්වුණු අතර, නිවැරදි පාංශු සාම්පල ලබාගැනීමේ ක්රමවේදයන් සහ භූමියේ භෞතික ලක්ෂණ හඳුනාගැනීම ප්රායෝගිකව අධ්යයනය කිරීමට සහභාගී වූ නිලධාරීන්ට අවස්ථාව හිමි විය.
මෙවැනි තාක්ෂණික පුහුණු වැඩසටහන් මඟින් ඉඩම් ඇගයීම සහ ඉඩම් පරිහරණ සැලසුම් කිරීමේදී අවශ්ය දැනුම සහ කුසලතා ශක්තිමත් කිරීමට දායක වන අතර, තිරසාර ඉඩම් කළමනාකරණය සඳහා නිවැරදි තාක්ෂණික පදනමක් ගොඩනැගීමටද සහාය වේ.
ප්රවෘත්ති මූලාශ්රය – ඉඩම් පරිහරණ ප්රතිපත්ති සැලසුම් දෙපාර්තමේන්තුව (LUPPD)
