අපේක්ෂිත එල් නිනෝ තත්ත්වයන්ගේ බලපෑම හේතුවෙන් ඉන්දියාව අත්යවශ්ය ආහාර ද්රව්ය අපනයනය සීමා කළහොත් හෝ අත්හිටුවුවහොත්, රජය හදිසි පියවර පිළිබඳව සාකච්ඡා කරමින් සිටින බව නියෝජ්ය වෙළඳ, වාණිජ හා ආහාර සුරක්ෂිතතා අමාත්ය ආර්.එම්. ජයවර්ධන මහතා පැවසීය.
ජනාධිපති අනුර කුමාර දිසානායක මහතාගේ ප්රධානත්වයෙන් පසුගිය දා පැවති රැස්වීමකදී මේ පිළිබඳව සාකච්ඡා කළ බව කී නියෝජ්ය අමාත්යවරයා, හඳුන්වා දෙන පියවර පිළිබඳව තවමත් නිශ්චිත තීරණයක් ගෙන නොමැති බව ද පැවසීය.
“මෙම විශේෂිත ක්රියාමාර්ගය ගන්නා බවට අපි තවමත් නිශ්චිත තීරණයකට පැමිණ නැහැ. නමුත්, අපි මෙම ගැටලුව කෙරෙහි අවධානය යොමු කරමින් සාකච්ඡා පවත්වමින් සිටිනවා. අපි මේ පිළිබඳව නිතිපතා සාකච්ඡා පවත්වමින් සිටිනවා,” ඔහු පැවසීය.
“එල් නිනෝ අපට පමණක් බලපාන්නේ නැහැ. එය ඉන්දියාවටද බලපෑ හැකියි. ඉන්දියාවේ නිෂ්පාදන කටයුතුවලට ද බලපෑමක් ඇති විය හැකියි. අපි ඉන්දියාවෙන් බොහෝ ආහාර ද්රව්ය ආනයනය කරනවා. එබැවින්, ඉන්දියාව යම් අවස්ථාවක දී අපනයන නැවැත්තුවහොත් හෝ අපනයන සඳහා සීමාවන් පැනවුවහොත් අප කුමක් කරන්නේද යන්න සැලසුම් කිරීම ඉතා වැදගත්යි.” නියෝජ්ය අමාත්යවරයා වැඩි දුරටත් පැවසුවේය.
