දරුණු නියඟ තත්ත්වය හේතුවෙන් පානීය ජලය සොයා ගැනීමට පවා දැඩි දුෂ්කරතාවකට පත්ව සිටින උතුරු පළාතේ කිරි ගොවි ජනතාවට සහ ඔවුන්ගේ ජීවනෝපායට සෘජුවම දායක වන කිරි ගවයන් සඳහා අවශ්ය පානීය ජලය ලබාදීමේ මානුෂීය වැඩසටහනක් MILCO ආයතනය විසින්ප ශු සම්පත් අමාත්යාංශය සමඟ සම්බන්ධීකරණයෙන් සංවිධානය කරන ලදී ඊයේ (සැප්තැම්බර් 09) වවුනියාව සහ මුලතිව් දිස්ත්රික්කවල තෝරාගත් ගම්මාන කිහිපයකදී ක්රියාත්මක කරන ලදී.
පවතින දරුණු වියළි කාලගුණ තත්ත්වය හේතුවෙන් උතුරු පළාතේ කිරි ගොවි පවුල් බොහොමයකට දෛනික පානීය ජල අවශ්යතාව සපුරා ගැනීම මෙන්ම කිරි ගවයන් සඳහා ප්රමාණවත් හා සතුන්ට සුදුසු පානීය ජලය ලබාදීමද බරපතළ අභියෝගයක් වී තිබේ. මෙම තත්ත්වය කිරි ගොවීන්ගේ ජීවනෝපායට මෙන්ම කිරි නිෂ්පාදනය පවත්වාගෙන යාමටද අහිතකර බලපෑමක් ඇති කරමින් පවතී.
එම තත්ත්වය සැලකිල්ලට ගනිමින්, ගොවි පවුල්වලට සහන සැලසීමත්, කිරි ගවයන්ගේ ජල අවශ්යතාව සපුරාලීමත් අරමුණු කරගෙන MILCO ආයතනය මගින් ජලය ප්රවාහනය කර තෝරාගත් ගම්මානවල අවශ්යතාවය ඇති පවුල් වෙත බෙදාදීමට කටයුතු කරන ලදී. ඡායාරූපවලින් දැක්වෙන්නේ එම ජල බෙදාදීමේ වැඩසටහන ක්රියාත්මක කළ ආකාරයයි.
මෙහිදී පානීය ජලය ජනතාව වෙත ලබාදීම සඳහා ජල ටැංකි සහ ජල ප්රවාහන රථ භාවිත කර ඇති අතර, ගොවි පවුල් විසින් ජලය එකතු කර ගැනීම සඳහා භාවිත කරන බහාලුම් වෙතද ජලය ලබාදීමට කටයුතු කර ඇත. එමඟින් ගොවි පවුල්වල දෛනික ජල අවශ්යතාවයට මෙන්ම කිරි ගවයන්ගේ ජල අවශ්යතාවයටද තාවකාලික සහනයක් ලබාදීමට හැකි වී තිබේ.
කිරි ගවයන් සඳහා ප්රමාණවත් පිරිසිදු ජලය නොලැබීම සතුන්ගේ සෞඛ්යයට, ශරීර තත්ත්වයට සහ කිරි නිෂ්පාදනයට බලපෑම් ඇති කළ හැකි බැවින්, පවතින නියඟ තත්ත්වය තුළ සතුන්ට අවශ්ය ජලය අඛණ්ඩව සැපයීමේ වැදගත්කමද මෙම වැඩසටහන මගින් අවධාරණය කෙරේ.
අසරණභාවයට පත්ව සිටින කිරි ගොවි පවුල් වෙනුවෙන් සිදු කරන මෙම සහන වැඩසටහන මෙතැනින් අවසන් නොකර, අවශ්යතාවය අනුව ඉදිරියටත් ක්රියාත්මක කිරීමට යෝජිතය. පවතින වියළි කාලගුණ තත්ත්වය හමුවේ ගොවි ජනතාවගේ ජීවනෝපාය ආරක්ෂා කිරීම සහ පශු සම්පත් සුබසාධනය තහවුරු කිරීම සඳහා අදාළ පාර්ශ්වයන් සමඟ සම්බන්ධීකරණයෙන් අවශ්ය සහන ලබාදීමට කටයුතු කරනු ඇත.
මෙවැනි දුෂ්කර අවස්ථාවක උතුරු පළාතේ කිරි ගොවි ජනතාව වෙනුවෙන් මෙම සත්කාර්යයට දායක වූ MILCO ආයතනයේ ගරු සභාපතිතුමා, නියෝජ්ය සභාපතිතුමා, සාමාන්යාධිකාරීතුමා ඇතුළු සියලුම අංශ ප්රධානීන් සහ කාර්ය මණ්ඩලය වෙත උතුරු පළාතේ කිරි ගොවි ජනතාව වෙනුවෙන් හදපිරි ස්තුතිය පිරිනමමු.
කෘෂිකර්ම ,පශු සම්පත්, ඉඩම් හා වාරිමාර්ග ,සහ අමත්යංශය එක්ව එල්නිනෝ තත්වයට මුහුණ දීම අරමුණු කරගෙන නැගෙනහිර පළාතේ පළාත් අද්යක්ෂ කාර්යාල විසින් සිදු කරන ලද කාර්ය තවදුරටත් ශක්තිමත් කිරීම අමත්යංශය බලාපොරොත්තු වේ.
විශේෂ පණිවිඩය
“කිරි ගොවියා ආරක්ෂා කිරීම යනු ඔහුගේ ජීවනෝපාය පමණක් නොව, ඔහුගේ පවුලේ ජීවන තත්ත්වය සහ පශු සම්පත් නිෂ්පාදන පද්ධතියද ආරක්ෂා කිරීමයි. එබැවින් වියළි කාලගුණය හමුවේ ජලය සහ අනෙකුත් අවශ්ය පහසුකම් සැපයීම සඳහා සියලු අදාළ පාර්ශ්වයන්ගේ සහයෝගය අඛණ්ඩව අවශ්ය වේ.”
